Belarus Free Theatre group attendance on October 3, 2009 in REDCAT Theatre at Disney Hall, Downtown Los Angeles

Учора быў заключны трэці дзень выступаў Свабоднага Тэатру у REDCAT Тэатры Дысней Хола. Сярод іншай публікі на спэктакль прыйшлі 16 мясцовых паўдзённа-каліфарнійскіх беларусаў - большасць з паўдзённа-каліфарнійскай групы БАЗА. Гісторыя кахання радзіны Красоўскіх і знікнення гэтага беларускага бізнэсмэна, падтрымаўшага апазыцыю рэжыму Лукашенкі, была апаведзеная вельмі кранальна, на інтымным, пэрсанальным узроўні. Амаль кожны з нас, беларусаў, пазнаў у гісторыі гераіні самых сябе - дзяцінства без дзеда, радзіна, згвалтаваная Сталіным у 30-я, галеча 70-х і 80-х. Хіба таму было так балюча бачыць сцэны гвалту, якія адбыліся над гэтай радзінай, з якой у сяредзіне пьесы кожны ужо атаясамніў сябе. Гвалт, тупы, бязлічны, у чорнай масцы АМОНА, хадзіў і нахабна харкаў у радзіну і у цябе памаранчовымі коркамі. Я сядзеў у першым раду і атрымаў гэтую памаранчовую корку з скрыўленага роту амонаўца у твар. Усю другю палову пьесы сядзеў з камком у горле і падазрона бліскучымі вачыма. Прабрало. Напрыканцы акторка зкамянелым голасам чытала радкі далейшай гісторыі знікнення. Потым ішлі фота зніклых людзей па ўсім свеце, гісторыя ксяндза Папялюшкі - дзеяча польскай Салідарнасці, скрадзенага і забітага сілавікамі у сацыялістычнай Польшчы. Старэйшая беларуска з нашай групы БАЗА - Кацярына Вінніцкая - апавяла мне, што Папялюшка меў беларускія карані. Апошнімі словамі ён маліўся за душы сваіх забойцаў і прасіў Бога прасціць іх. У канцы пьесы заля устала і авацыямі выклікала актораў некалькі разоў. Таня Макаед падаравала акторке, выконваўшай ролю Красоўскай (Ганна Саламянская), букет з дзьвух дзюжынаў белых і адной дзюжыны чырвоных розаў. Мікалай Халезін застаўся паразмаўляць з беларусамі БАЗА пасля пьесы у кафэ тэатру, ня гледзячы на тое, што яму было ляцець у Брусэль гэтым жа ранкам. Усе беларусы паўдзённа-каліфарнійскага гуртка БАЗА вельмі удзячныя трупе Свабоднага Тэатру за ўзняцце праблемы зніклых у Беларусі і свеце на такі высокі эмацыянальны і пэрсанальны узровень. Нават і сёння мы усе яшче жывем пад уражаннем учорашняй пьесы. Гэта так цудоўна, што беларускія пытанні, нарэшце ставяцца за межамі беларусі. Ды так прафесыянальна і годна. Дзякуй Мікалаю, і Наталлі, і Лаўру і усёй цудоўнай акторскай трупе Свабоднага Тэатру! Прыязджайце да нас з новымі праектамі! Спадзяемся на кінастужку наступным разам - бо гэта ж Галівуд!

ПС. Даречы, цікавае супадзенне. Учора ж а 9-й гадзіне увечары у даўнтаўн Лос Анжэлеса (Club 740) ішоў канцэрт беларускай групы Бі-2

Belarus Free Theatre performing "Discover Love" on October 3, 2009 in REDCAT theatre @ Disney Hall, downtown Los Angeles


So Cal BAZA group with Mikalaj Khalezin - director and founder of "Belarus Free Theatre"


Here's an account about this event from Los Angeles Times:
http://latimesblogs.latimes. com/culturemonster/2009/10/ theater-review-discover-love- at-redcat.html


Back to So Cal BAZA page