So Cal BAZA Re-Initiation on Dec. 14, 2008

Беларусы паўднёвай Каліфорніі мелі першую сустрэчу суполкі Беларуска Амэрыканскага Задзіночаньня 14 сьнежня 2008 г. Спонсарам гэтага мерапрыемства быў сайт belarusguide.com. Усяго прысутнічала 12 чалавек, у складзе якіх былі людзі розных узростаў і пакаленьняў (гл.фота).

Эмігранты часоў Другой Сусьветнай Вайны распавядалі пра істнаваньне гурта БАЗА і пра дзейнасьць эміграцыі тых часоў ў паўднёвай Каліфорніі. Маладзейшыя прысутныя узгадалі як бацькі вадзілі іх ў беларускія клясы, вучылі іх таньчыць, ды ладзілі культурныя мерапрыемствы.

 Быў зачытаны ліст спадара Язэпа Арцюха, які распавёў гісторыю заснаваньня аддзелу БАЗА у паўднёвай Каліфорніі ў 1959 годзе, ягоную актыўную дзейнасьцьі і ўрэшце заняпад на пачатку 1970-х гадоў.

Пад час сустрэчы былі абраныя кіраўнікі суполкі. Старшынёю суполкі быў абраны Алесь Арцюховіч, заснавальнік сайту Belarus Guide. Была прапанова зрабіць наступную сустрэчу 25-га сакавіка, каб адзначыць Дзень Волі.

Удзельнікі выказалі зацікаўленасьць у будучай актыўнай дзейнасьці гурта і засталіся задаволеные што мелі магчымасьць на сустрэчу зь землякамі.

A photo of founding members of So Cal BAZA on 12/14/08


Bach to So Cal BAZA page